|
 02.04.2008 ()
|
請大家放過我 沒有地球人的第三十三天
下午想起了一個好深刻的短訊:
經過依五日我真係知我鐘意你，我會擔心你，仲會有少少唔底得有其他人同你去旅行...我地真的可以走下去嗎？我所有嘢只會在乎你感受，我真係未必應承到你什麼，可以努力走嗎？
今天我也有這樣的感覺！我真的不甘心！我會繼續努力走下去！
有時候我覺得，耳朵比眼睛還要重要，很多東西用耳朵聽比眼睛看好，就好像一個人很不開心會裝得很開心.....可是聲音就裝不了！仔細一聽就知道啦！ (節錄自：電影春光乍洩)
我所聽, 所見, 所感受的不是你們所覺得的......對不起!! 我好大壓力, 我想逃避....我想逃避你們的關心，逃避一切不認同的聲音！我想逃回那個山洞，做回我自己想做所決定做的！
今日放假，全日都留在家！唔想出去！因為心情好差！我好嬲自己，點解要咁做！所有野都係你自己一手做出來，放手！？你甘心咩！你會開心咩！做咩要做一些令自己後悔的事，點解！！我始終原諒唔到自己！
Yvonne多謝妳！今年饑饉有妳，我放心啦！妳加油呀！
|
|
03.04.2008 ()
 |
請大家放過我 沒有地球人的第三十四天
昨晚寫完日記後，談過幾個電話，幾個短訊，發覺原來自己唔係真係 "無所謂"，可能自己的適應力真係太低，近來在身邊的事情又轉變得太快，未來得及適應就已經又轉變了，令我情緒非常不穩，可能昨晚發生的事真的是件好事，因為令我將自己都唔察覺，而最內心的感受講了出來．
大家終於找了一個位置，令時間倒流，你講得對！我地大家都控制唔到自己，因為這感情發自內心，是最真的感覺！但為了將來的每一步，我知道！不可能任由自己的任意去做.......
昨晚的幾個短訊，其實自己有點內疚，因為我知道令你唔開心！對唔住！但希望你諒解我當時的情緒，這語氣我真的不太禮貌，對唔住！
"無所謂" 終於知道自己原來唔係真係無所謂，係因為自己一向是 "順德人"，唔影響到自己底線的問題都可以 "無所謂"！
今晚放工，會去聾人協進會學一些手語，謝謝 Kelvin 的安排！
今早起身的心情真的好了好多！可能真係令我自己都唔知想點的心情同情緒，一次過講了出來！你又點呀！？
晚上因為一些安排上的問題，最終上不了手語課，留待 Kelvin 再安排．
晚上食飯幾個朋友始終話題離不開快將來臨的饑饉三十，計計下我地將有好多饑饉討論區上的事情要急著處理了！大家努力呀！
今日的心情好好，輕鬆了好多！終於找到個時間是可以令我自己開心輕鬆的，今天好積極工作，好好享受工作帶給我的滿足感！但也有時時望下手機^^
今日收到消防局的一個工程報價！唉......多多要求！算！我能做好的！^^
|
|
04.04.2008 ()
 |
開始軟弱...... 沒有地球人的第三十五天
這兩天給自己很大的信心，希望自己可以開心的去面對這個改變！
近來不論返工與否，都愛背上我的行山背囊，因為可以放多些東西，有相機，仲有ＮＤＳ，近來將ＮＤＳ變成了我的電子相薄，放了很多照片，坐車一個人食飯時都會拿在手上！當想念一個人的時候就可以睇到！
我知道自己這兩天堅強的改變開始需要一點支持，因為人去到某一個程度的時候，勇氣用完了就會軟弱下來！我想有你的支持，一齊走下去！
早上在公司發現了一些好可愛的菇菇，記得上一次見已是去年的春天了！菇菇的生命好短，早上十時多發現，到下午已經玩完，但很可愛！他寄生在日本鐵樹的泥土上，我好想再見到你呀！
今天晚上，那份軟弱越來越強，因為我開始覺得自己做錯了事！我又再一次開始後悔內疚，這樣子的不是我預期見到的，我真的做錯了！？
我又傾向走回兩日前的情況......我係唔係做錯了！......
我係唔係可以開心地堅強的下去！我係唔係可以.......很多很多的問號在今晚走出來！
我真的不想見到今日的情況，我唔開心！因為我自己無預期過係咁......如果比我一早知道係咁我唔會做呢個決定！我更加後悔內疚！.......
|
|
05.04.2008 ()
 |
充電器...... 沒有地球人的第三十六天
昨晚終打了個電話，我知道自己唔打呢個電話一定會唔開心！
就好似個充電器剛插在插座上，準備充電一樣！我知道大家都辛苦，但時間可以幫到我地！努力呀！
今日天氣超好！差Ｄ一個有為青年，活生生曬死......我開始怕熱啦！不過又係我落水的時間啦！潛水，獨木舟，游水，通通都等著我^^
終於知道春天係我的惡星！春天又熱又濕又多細菌，我真係好怕！特別係我個肚仔，又肚柯了兩日啦！一日柯足三次臭臭......唉！
今晚開夜車！急忙為明天饑饉組長訓練出一張單張！終於完成啦！希望無出錯啦！
今晚我又開始開心返啦！因為可能充緊電啦！哈哈！
|
|
06.04.2008 ()
 |
饑饉組長訓練 沒有地球人的第三十七天
今日特意請了半日假去了參加 香港世界宣明會-饑饉三十 的組長訓練！今日見到好多好有熱血心的年青人，好多好有經驗的組長，佢地分享了好多佢地帶組的心得！點樣可以用感染力令組仔組女去投入今次的活動！我真係要好好學下野啦！
上完堂......去做了件令自己開心，令別人又好開心的事！買了些手信入機場！令到你可以笑返，開心返都是值得的！估唔到你會比個咁的 SMS 我！哈哈！夠啦今天.......超滿足...... ^^
晚上突然好想食 KFC！都好似好耐無食過啦！所以去了東薈城食！又有得著！我見到一個外藉人任，佢向職員投訴洗手間地下濕，令佢小朋友仆倒！個職員用英文處理得好好！我一直在望住成個過程，學下點處理突發事件，唔係就好似上次公司有人仆倒，流到成地血，我仲驚過佢，哈哈！
晚上又一次估你唔到！你點解唔 SEND SMS 俾我？！反而打電話比我！同我講你今日好開心！哈哈！不過！原來電話親口講的威力可以大十倍架！哈哈！我聽完仲開心過你，哈哈！
|
|
07.04.2008 ()
|
繼續柯臭臭...... 沒有地球人的第三十八天
今年都唔知做咩，新年過後肚仔的健康都唔係太好！今日又柯了三次臭臭啦！
天氣真係好熱！我都好想去游水呀！我要同陽光玩遊戲！^^
今日 SEND 了個 SMS！我覺得始終是一件好事！因為我唔想傷害人！點都好，講明好Ｄ！哈哈！
晚上找了今年饑饉三十的主題曲，要快Ｄ學唱啦！做組長都唔識好似唔係咁好，哈哈！
小娃娃大英雄
2008 饑饉三十主題曲
若你聽得到 那小嘴巴偷偷禱告
為兩餐一宿安好 可惜總有霧
若你心地好 為世間傷口包紗布
便快些舉手宣佈
來勇敢幫過了陌路人才自豪
先要他 感動了 再長高
小娃娃雙手很凍
但願被你抱擁 便遇著真英雄
從前從沒有的 擴闊了他天空
活著沒有淚湧
小娃娃身體很痛
絕望下用眼光 召集著真英雄
從前從沒有的 暖化了他心胸
日後學你英勇
若看他雙腿 沒有光都翩翩起舞
但赤足之中摔倒 不可走半步
問你可清楚 是冷感比天災恐怖
沒愛心天都蒼老
小娃娃雙手很凍
但願被你抱擁 便遇著真英雄
從前從沒有的 擴闊了他天空
活著沒有淚湧
小娃娃身體很痛
絕望下用眼光 召集著真英雄
從前從沒有的 暖化了他心胸
日後學你英勇
|
|
08.04.2008 ()
 |
終於要睇醫生 沒有地球人的第三十九天
由貴州返來之後，一直都有柯......哈哈！當柯已成習慣！！都係要睇醫生！
晚上同地球人去了食 PIZZA "HEART"，都好耐無食啦！哈哈！的地之間的話題都離唔開相機架！
在公司，其實我不多理會別人的事，因為我都不想別人談我的私人事！今日的ＥＱ高了，如果係以前我已經用粗口鬧了個八婆幾年啦！如果妳係想博升職，加人工，增加在老闆／同事眼中的價值同曝光率，我完全唔會阻止妳！不過大前題，妳唔好影響到我！
用偷聽／眼Ｄ唔睇Ｄ／知Ｄ唔知Ｄ的方法去將別人的私事，當作一個與其他同事打開話題／賣人情的方法，是何等低人格！為何我以前可以當妳是一個朋友，在這大半年，我就連工作上要同妳講嘢，我都想可免則免，舖內所有同事都唔喜歡妳....點解！妳唔蠢架！妳應一早自我檢討一下！
今天我只是向上司提出了我的不滿，我好嬲好嬲，我不介意人地知道我是一個同性戀者，但不代表我容許別人談我的私事，用妳想像力將Ａ＋Ｂ＋Ｃ＝一個妳所作的故事！
|
|
09.04.2008 ()
 |
完美,好開心的一天 沒有地球人的第四十天
今日成日都好眼瞓，好倦......因為可能昨晚太夜了！哈哈！
在公司今天係超充實的一日！有好多好多嘢做，不過多嘢做先好！時間快過好多，話咁快就兩點半收工啦！
放工先入了機場找地球人，買了兩支大會指定飲品 "保礦力水特" 等個傻豬放工！都ＯＫ啦！開心架！
今日好有感覺想影相，行到邊影到邊，扮晒攝影師，哈哈！其實在研究點先影得靚！
昨晚同 Kelvin 傾過的組長貼紙，突然靈感到！就今晚完成了，不過當然追求完美的，會不停修改啦！
暫時完成今晚的東西啦！好耐都無早瞓啦！十一點三上床瞓啦！晚安啦！^^
|
|
10.04.2008 ()
|
得力在乎平靜安穩 沒有地球人的第四十一天
公司今日係超級忙的一天，開始有小型的裝修，將所有貨品左搬右，右搬左！呢個只係惡夢的開始，聽講會大裝修，仲會將成個地下重新舖過，但期間會照常營業.....即係......有排做......
自己個腦今日唔知做咩，唔係好穩定，有時總會亂想嘢！我知道其實我地開始進入另一個比早前較穩定的時間．希望自己唔好再亂唸啦！
同你一齊真係幾舒服架！你真係明我想什麼！我唔出聲你都好似知道我需要咩咁！多謝你在我亂想嘢時給我的電話，令我信心又回來了！^^
今晚在上床前睇了一段經文
This is what the Sovereign LORD, the Holy One of Israel, says: "In repentance and rest is your salvation, in quietness and trust is your strength, but you would have none of it.
Isaiah 30:15
主耶和華以色列的聖者曾如此說、你們得救在乎歸回安息．你們得力在乎平靜安穩．你們竟自不肯．
以賽亞書 30:15
無錯！在這時候，有很多很多的工作需要我去面對，公司得返我一個男丁，饑饉三十又就到，第一次做組長好緊張，真係有好多事要等我去面對同處理，我需要一個 "平靜安穩" 的心去面對，我要從 "平靜安穩" 的心而得力！
睇堅經總是一樣好奇妙的事！每次總會有所得著！^^
我要努力呀，完成手頭上的工作，要好好享受那份獎勵，就係同地球人去海洋公園玩啦！^^
今日好多謝 Yvonne 為著我地個組的口號，親自去了聾人協進會拍了一段有關口號的手語！影片在以下網址：
http://www.youtube.com/watch?v=c-A3zI0uwo0
打氣口號： I Promise I Remember I Do " 我承諾 我緊記 我行動"
（我地配合聾人用的手語，令世界上所有人都知道呢個訊息）
|
|
11.04.2008 ()
 |
得力在乎平靜安穩 沒有地球人的第四十二天
再咁落去都唔係辦法，真係要想下啦！公司真係做死人！今日唔小心在公司整親，下午去了睇趺打，變了隻 "炸蟹鉗"！好鬼痛呀！
今日開始會收到饑饉三十的入營信，入年係第 128 組，組仔組女 19 號饑饉營見啦！
仲有一款的組員貼紙未設計，好因為未有靈感......
|
|
12.04.2008 ()
|
沒有地球人的第四十三天
今日繼續 "炸蟹鉗"！不過己經好好多啦！
今日到我覺得好開心同好滿足啦！多謝地球人^^
|
|
13.04.2008 ()
|
沒有地球人的第四十四天
今年饑饉三十仲有幾日就到啦！原來做組長同組仔的心態真係好唔同，那份使命感，令我真係好想做好件事！
晚上同 Kelvin , Yvonne 在飯堂開會，一傾就三個鐘啦！不來我地真係有好多嘢要去準備，真係好在我 16-17/4 放假，如果唔係都唔知點算啦！雖然天文台話 19-20/4 都會間中有幾陣雨，希望只是晨早的時間啦！
饑饉大本營要做的設計都做好晒啦！
 
饑饉英雄貼紙 / 饑饉組長貼紙
 
"饑饉大本營" 咭片 正面／背面
不過雖然完成了設計的工作，但仲有要同印刷廠夾時間！另外仲有徵文同攝影比賽的細節上安排要去想一想，另外就係要招募義工，在入營首天幫手分發物資......好似真係有好多嘢未做......
|
|
14.04.2008 ()
|
地球勁辣咖哩雞 沒有地球人的第四十五天
朝早收到一個叫起身的電話，就好似起身飲了一公升 "紅牛" 一樣，我已經充滿力量啦！嘻嘻^^
公司今日做了職員的週年評核，創意一向都係我的強項，在未來，公司想我發揮更多，唉......有人手先算啦！
今晚地球人親自下廚，放工有住家飯食！估唔到你住飯仲好食過我阿媽，特別係薯仔雞翼，真係超好食！比我食過世我都願呀，嘻嘻！不過原來地球的咖喱雞係勁勁勁辣架！......
我同kwaii越來越Friend啦！成日要我同佢玩波波^^不過對住佢又真係幾開心架！
今晚的感覺好實在，放工有人煮飯等我返屋企食，食完飯一齊食雪糕，一齊睇電視，又同狗仔玩！就咁簡簡單單已經好開心，好實在，好滿足.....^^
|
|
15.04.2008 ()
 |
沒有地球人的第四十六天
你都咪話！Ｄ咖喱都真係幾辣.....Ｄ咖喱汁有排都洗唔清....^^
最終將明晚的話劇飛俾了 傻KEN！點解唔去！？因為本來想係一件開心的事，但而家唔想唸點解自己會一個人去，點解要做一些令自己唔開心的事^^
傻KEN 今晚打了俾我，傾了一陣，多謝你關心我同我朋友之間的問題，你講得對！我都認架！我在件事上係處理得好差，不過對方亦無試下站在我的角度去感受一下，大家都有錯！
香港世界宣明會 正式回覆，佢地唔反對我地在營內向營友派發由我地設計印有我地Logo的貼紙，亦唔反對營友使用寫名貼在身上，亦即係代表今次宣傳活動唔洗地下式進行，可以光明正大啦！佢地開始認同我地啦！
近幾日，超級忙，因為饑饉仲有幾日咋！有好多嘢要去準備！我地的吉祥物！愛心方包終於爤尾，不過經過商討，我地換了愛心薯仔！放工去了找深水步的老闆，解決了一些技術上的問題，明天要上深圳買薯仔，希望一切順利啦！
今年饑饉主曲已經聽到識唱啦！仲有小小聽到反胃！
小娃娃大英雄
若你聽得到 那小嘴巴偷偷禱告
為兩餐一宿安好 可惜總有霧
若你心地好 為世間傷口包紗布
便快些舉手宣佈
來勇敢幫過了陌路人才自豪
先要他 感動了 再長高
小娃娃雙手很凍
但願被你抱擁 便遇著真英雄
從前從沒有的 擴闊了他天空
活著沒有淚湧
小娃娃身體很痛
絕望下用眼光 召集著真英雄
從前從沒有的 暖化了他心胸
日後學你英勇
若看他雙腿 沒有光都翩翩起舞
但赤足之中摔倒 不可走半步
問你可清楚 是冷感比天災恐怖
沒愛心天都蒼老
小娃娃雙手很凍
但願被你抱擁 便遇著真英雄
從前從沒有的 擴闊了他天空
活著沒有淚湧
小娃娃身體很痛
絕望下用眼光 召集著真英雄
從前從沒有的 暖化了他心胸
日後學你英勇
|
|
16.04.2008 ()
 |
薯仔組長 沒有地球人的第四十七天
因為早前計劃用的白方包供應商無貨，所以改用了薯仔，不過效果都可以！今早一個人去了深圳買物資！好熱，好曬，好重，好辛苦！^^
我的 "大頭蝦" 又來啦！上到深圳先知自己無帶供應商個地址，只記得藝展中心......死得！好彩ＢＢ一早俾了個一咭兩號我，可以打返香港問咋.....你真係知我一定有用啦！哈哈！
大陸買 "保礦力水特" 點解可以咁平架？！４蚊人仔一支......香港最少都１０蚊啦！......
在華強買了一套 "韓國網頁模版素材"！好有用呀！
本來今日要先去深圳展藝中心，再去華強路，再上廣州，但最後組員都選擇放棄了白面包，所以唔洗上廣州啦！又係最後先決定！又係好 "Flexible" 架！成組都轉晒用薯仔！"薯仔組長" 個名就係咁黎架啦！
地球人問我同佢相處，找到我想要的快樂嗎？我可以答你，比我想找的，得到更多！因為我無要求......^^我開心架，實在架！
今晚完全明白到做組長唔係一件容易的事，因為要面對好多唔同的人，大家價值觀唔同，立場唔同，觀點唔同......我要學識點樣在自己的觀點同人地的觀點上取得平衡！
晚上在屋企穿薯仔，３０個.....隻手好痛！做到0300終於做晒，明天就唔洗麻煩 Yvonne 啦！
本來今晚去剪頭髮，但髮型師 "Ben" 無返，明早先再去過啦！所以好多嘢都係好 "Flexible" 架！^^
今日我地又再一次心靈相通啦！
|
|
